Refugamos l’actitú racista de confrontar a probes contra probes.

El colectivu Güeligaites refuga l’actitú racista de confrontar a probes contra probes.
Como xente vaterana sabemos y participemos de les propuestes y creación d’instancies de solidaridá y cooperación de les qu’Asturies foi protagonista con causes onde los más débiles yeren atacaos y frayaos nos sos Derechos.
Nicaragua, Sahara, El Salvador, Guatemala, Chiapas, Palestina, y otros munchos llugares recibieron sofitos y fraternidaes dende va munches décades, y nos años 94 y 95 les acampaes pol 0,7 % contribuyeron a fortalecer conciencies solidaries y favorecer la creación de partíes y ferramientes de participación en munchos conceyos, siendo’l de Xixón pioneru.