GÜELIGAITES D’ASTURIES NEL DIA INTERNACIONAL DE LES PERSONES MAYORES

Les persones mayores de 65 años formamos el colectivu onde más incide la probeza n’España. Por eso, nesti Día Internacional de les Persones Mayores, Güeligaites d’Asturies, del movimientu de los yay@flautas, queremos poner de relieve la contribución que les persones mayores fiximos y faemos a la sociedá, y denunciar qu’esti sistema capitalista xenera desigualdá, precariedá, esclusión, enfermedá y empobrecimiento, non solo para nós, les persones mayores, sinón tamién para la gran mayoría de la sociedá.